Latest news

00:17Амир Ғалинои: "CAFA'да қатнашмаслик ҳақида хат ёздик, лекин шартларимиз қабул қилинмади"  13 23:40Мемфис Депай Нидерландия терма жамоаси тарихида энг яхши тўпурарга айланди.  1 23:12ЖЧ-2026 саралаш босқичи. Нидерландияда қийин ғалаба, Грузия Болгариядан устун келди  0 22:23Ўртоқлик учрашуви. Россия меҳмонда Қатардан устун келди  13 22:00Ҳаким Зиеш "Севилья"га ўтиши мумкин  0 21:30Ромелу Лукаку декабргача майдонга қайтмайди  1 21:00Файзуллаевнинг кайфияти чоғ, Ғаниевдан ўткир нигоҳлар. Ўзбекистон терма жамоасининг Эрон билан ўйиндан олдинги расмий машғулотидан галерея  11 20:40"Пахтакор" ўз уйига қайтган норасмий ўйинда "Олимпик"дан устун келди  5 20:09Азизбек Турғунбоев: "Эрондан алам оладиган вақт келди"  5 19:56Неъматов, Насруллаев, Норчаев ва Эшмуродов терма жамоа лагерини тарк этди  17 19:30Эрон билан рақобатнинг бошланиши. Али Дайига аталган ва Ўзбекистон форсларга йирик ҳисобда енгилган ўйинни ёдга оламиз  18 18:59Тимур Кападзе: "Сергеевдек ҳужумчимиз борлигидан хурсандман"   12 18:25Кевин де Брюйне Конте ва Гвардиолани таққослади  0 17:55"Байер" бош мураббийлиги учун янги номзод пайдо бўлди  3 17:25Усмон Дембеле нима учун "Барселона"да кўп жароҳат олган?  7

MLS футболчиси, Фигу ва хорижлик мураббий. Гватемала ёшлар терма жамоаси ҳақида нималарни билишимиз керак? News

MLS футболчиси, Фигу ва хорижлик мураббий. Гватемала ёшлар терма жамоаси ҳақида нималарни билишимиз керак?

Ўзбекистон U-20 термасининг бугунги рақиби ҳақида.

Ўзбекистон U-20 термасининг ёшлар ўртасидаги Жаҳон чемпионати гуруҳ босқичидаги сўнгги рақиби Гватемала бўлади. Биз сиз учун ушбу жамоа ҳақидаги энг қизиқарли маълумотларни тўпладик.


Таркиби ва асосий юлдузлари

Transfermarkt портали Гватемала терма жамоаси таркибини 1,8 миллион еврога баҳоламоқда. Турнирда фақат иккита жамоа ундан арзонроқ – Доминикан Республикаси (1,2) ва Фижи (1,6).



Энг аввало, легионерларини алоҳида таъкидлаш жоиз. Уларнинг барчаси АҚШда ўйнайди: Ариан Ресинос ("Нью-Йорк Ред Булл" академияси), Нестор Кабрера (Ретгер университети жамоаси), Аллан Хуарес (Берклидаги Калифорния университети жамоаси) ва Аркимидес Ордоньес (MLS'нинг "Цинциннати" клуби). Кабрера ва Хуарес университет жамоаларида ўйнасалар ҳам, АҚШнинг топ клублари академияларидан ўтишган. Ордоньесга келсак, у MLS'да 17 та ўйинда майдонга тушиб, 1 та гол урган. Ордоньес ва Гватемала чемпионатининг яна икки нафар футболчиси – Хонатан Франко ва Андерсон Гаитан мамлакатнинг асосий терма жамоасига чақирилди.

Гватемала терма жамоасида ўз Фигуси бор: бу чап ярим ҳимоячиси – Фигу Монтаньо. Унинг отаси афсонавий португалиялик шарафига бу исмни қўйган. Фигунинг отаси ҳозир ҳаёт эмас. Монтано Жаҳон чемпионатига чиқишни унга атади. 



Мураббийлар штаби

Гватемала U-20 терма жамоаси бош мураббийи мексикалик Рафаэль Лоредо ҳисобланади. 65 ёшли мутахассис аввал фақат Мексика ва Гватемала клубларида ишлаган. 2020 йилда у Гватемала ёшлар терма жамоасини бошқарган, 2021 йилда эса тўртта ўйинни мамлакат асосий жамоаси бошқарувида (вақтинчалик) ўтказган.


Лоредога гватемалалик Ригоберто Гомес ёрдам беради. Футболчи сифатида у бутун фаолиятини "Коммуникасьонес" клубида ўтказган, шунингдек, Гватемала терма жамоасида 16 та ўйинда иштирок этган.


Охирги натижалари

Гватемала терма жамоаси U-20 КОНКАКАФ Кубоги финалига чиқди ва у ерда Доминикан Республикасига ютқазди. Дарвоқе, Ўзбекистон ёшлар ўртасидаги Жаҳон чемпионати олдидан ўртоқлик учрашувида уларни мағлуб этганди. Шу билан бирга, гватемалаликлар турнир давомида Канада (1/8 финалда) ва Мексикани (чорак финалда) мағлуб этишган, икки ғалаба ҳам пенальтилар сериясига кўра қўлга киритилган.

Мундиаль олдидан ўтказилган назорат учрашувларида Гватемала Янги Зеландия, Фижи ва Индонезиядан устун келди. Аммо гватемалаликлар гуруҳ босқичининг биринчи ўйинида уч ой олдин мағлуб этилган янги зеландияликларга ўзлари мағлуб бўлишди. Иккинчи турда эса мезбон Аргентина Гватемалани 3:0 ҳисобида таслим қилди.



Мусобақадаги иштирок  

Гватемала учун бу Жаҳон чемпионати кетма-кет иккинчисидир. 2011 йилда гватемалаликлар Нигерия, Саудия Арабистони ва Хорватия билан бир гуруҳдан жой олган бўлса-да, плей-оффга чиқишга муваффақ бўлган. Ҳаммаси гуруҳ босқичининг сўнгги ўйинида хорватлар устидан қозонилган ғалаба туфайли, Гватемала учинчи ўринни олган ва қўшимча кўрсаткичлар бўйича плей-оффга чиққан.

Гватемала 1/8 финалда учрашув бошида пенальти орқали дарвозасидан тўп олиб чиқиб, Португалияга 0:1 ҳисобида имкониятни бой берган. Ўшанда португалияликлар таркибида Мариу Руй, Седрик Соареш ва Данило Перейра каби футболчилар тўп тепган.

Балки Гватемала Ўзбекистон учун кучсиз рақибдек кўринар, лекин ҳеч ҳам унга паст назар билан қарамаслик керак. Ахир, жамоа КОНКАКАФ Кубогида Мексика ва Канадани мағлубиятга учратган.


Ўзбекистон – Гватемала баҳси бугун тунда, 02:00 да бошланади. Жамоамизга омад!


Николай Егоричев

Rating: +5   

Comments

championat.asia
< show latest news
Яндекс.Метрика