Мирко Еличич "Локомотив" билан ўйиндан сўнг: "Икки ой шуғулланасан ва бир маротаба ҳам табиий майдонда футбол ўйнай олмайсан..."
03 apr 22:13
News


Мирко Еличич "Локомотив" билан ўйиндан сўнг: "Икки ой шуғулланасан ва бир маротаба ҳам табиий майдонда футбол ўйнай олмайсан..."
"Ўйин ҳақида яхшиси камроқ гапирганим маъқул. Буни бошқалар муҳокама қилиб олишлари мумкин. Футбол ривожи йўлида кўп ўзгаришлар бўлмаяпти. Бу ёмон. Бу ўзгарадими ёки йўқми, билмайман. Шундай бўлиб қолаётганига ўзбек футболи учун афсусдаман. Нима ҳақида гапираётганимни тушундингиз деб ўйлайман".
- 2:0 ҳисобида олдинда бора туриб, 2:3 ҳисобида ютқазиб қўйдингиз. Бу тажриба билан боғлиқми?
- Биз жамоа сифатида йиғилганимиздан сўнг илк бор табиий майдонда ўйнадик. Бу албатта бироз бошқача бўлди. Йигитларда оёқ оғрий бошлади. Сен икки ой шуғулланасан ва бир маротаба ҳам табиий майдонда футбол ўйнай олмайсан. Рухсат беришмаяпти. Хаттоки расмий ўйин олдидан ҳам. Бу уятли. Бу бизга халал берди.
"Локомотив"дек жамоага тажриба ёрдам беради. Шунингдек, 190 сантиметрли одамнинг ҳам ёрдами катта бўлади. Биз хеч қачон бундай футбол ўйнамоқчи эмасмиз.
Мен аввал бунақаларни Англия футболида кўрардим. Бундай пайтлар ўтиб кетган деб ўйлардим. Ваҳоланки, ундай эмас экан.
- Ўйин олдидан футболчилар майдон чимини яхши ўришмаган деб айтишди. Сиз бунга эътибор бердингизми?
- Бу борада кўп гапириш мумкин. Яхшиси камроқ гапирганим маъқул. Бу ҳақида ўйлаши лозим бўлган одамлар бўлса керак. Бу менинг қарорим эмас. Бундай ҳолатлар қачон тўғирланади, билмайман. Мен деярли 20 йилдан бери бу ерда ишлайман.
- Бугун "Олимпик" сафида "Локомотив"нинг уч нафар футболчиси ўйнади. Улар ҳақида қандай фикрдасиз?
- Яхши. Уларга ўз даражаларини намойиш этишларига имконият беряпмиз. Биз бор-йўғи икки ой бирга ишлаяпмиз. Футболчилар ёш. Улар тажриба тўплашади. Улар кучли хоҳишни йўқотиб қўймасликлари керак.
Similar news

Comments