Миржалол Қосимов: "Ниҳоят чемпионатни тугатдик"
30 nov 2018 18:23
News

Миржалол Қосимов: "Ниҳоят чемпионатни тугатдик"

"Пахтакор" - "Бунёдкор" (4:0) учрашувидан сўнг меҳмонлар устози Миржалол Қосимов ўз фикрларини билдирди.

"Ниҳоят чемпионатни тугатдик. Қизиқарли чемпионат бўлди. Ўйлайманки "Бунёдкор" ёмон ўйин кўрсатгани йўқ, ўз мухлислари меҳрини қозонди. "Пахтакор"ни ҳақли ғалаба билан табриклайман. Биз бироз вақтлироқ "таътилга чиқиб қўйдик". Натижага қарамай айтишим мумкин: йигитлар билан фахрланаман. Кўп гап эшакка юк дейдику.

Таътилга чиқдик, яхши дам олсак бўлгани. Журналистларга ҳам раҳмат айтаман, футболчилар, мураббийлар ва мухлислар ўртасида туриб янгиликларни етказиб бординглар.

Кейинги йил ОЧЛда ўйнайдиган барча клубларимизга омад тилайман. Январь ойидаги Осиё Кубогида миллий терма жамоамизга ва март ойида олимпия терма жамоамизга омад тилайман. Яхши дам меҳнатга ҳамдам", - дейди Миржалол Қосимов.