Миржалол Қосимов: "Майдонда кескин кураш кечгани учун карточкалар кўпайиб кетди"

Ўйиндан кейинги матбуот анжуманининг иккинчи қисмида тошкентликлар бош мураббийи Миржалол Қосимов иштирок этди.

- Финалга чиқишни жуда ҳам истаган эдик. Ўйлаган ва кўзлаган мақсадимизга етишганимиз албатта хурсанд қилади. Ўйин ҳар иккала жамоа учун жуда муҳим эди. Майдонда кескин кураш кечди ва шу боисдан карточкалар кўпайиб кетди. Бош мақсад сари яна бир қадам одимладик.

"Динамо" бир киши кам бўлиб қолишига қарамасдан муносиб қаршилик кўрсатди.

Финалда ким бизга кўпроқ ноқулайлик тўғдириши мумкин? Тўғриси, мен ҳозир "Металлург" билан ўйин ҳақида бош қотиришни бошладим.

Жамоа ҳисобда олдинга чиқиб олганидан кейин ўйинни бўшаштириб юбораётгани бизнинг энг оғриқли нуқтамиз ҳисобланмоқда. Айнан шу устида иш олиб борилмоқда. Бу нарса бизга Навоийда панд берганди. Бу камчилик бугун кўп ҳам кўзга ташланмади. Шу муаммони бартараф этиш бўйича иш олиб боряпмиз.