Милнер: "Агарда бу ҳақида кино олишса, албатта, бунга ишонмасдингиз"

Сўнгги тур олдидан "Манчестер Сити" ва "Манчестер Юнайтед" ҳисобида бир хил очко бор эди, бироқ "шаҳарликлар" голлар фарқи эвазига 1-ўринда бўлиб турганди. Охирги ўйинда "Сити" ўз майдонида КПР жамоасига 1:2 ҳисобида мағлуб бўлаётганди. Кейинчалик жамоа 90+2 ва 90+4-дақиқаларда гол уриб, АПЛ совринини қўлга киритганди.

"Бу ажойиб бўлганди. Таркибимизда янгилар жуда кўп эди, шу боисдан "Сити"нинг тезда бундай даражага чиқиб олишини ҳеч ким кутмаганди.

Англия Кубогидаги ғолиблик бизга ишонч тақдим қилганди ва жамоа АПЛ совринини ҳам қўлга киритишга ишонаётганди. Агарда ушбу ўйиннинг якуни ҳақида фильм суратга олишса: "Бу ҳеч нима эмас, ҳаётда бунақаси бўлмайди", дейишингиз мумкин. Бундай ғалабалар узоқ йиллар ёдда қолади", - деди Милнер.