Миллий терма жамоанинг Эрон ва БААга қарши учрашувларини кимлар бошқариши аниқ

Ўзбекистон терма жамоаси октябрь ойида 2026-йилги Жаҳон чемпионати 3-саралаш босқичи доирасида Эрон ва БАА терма жамоаларига қарши ўйин ўтказишидан хабарингиз бор.

Ўзбекистон – Эрон учрашувини австралиялик Шон Эванс бошқариб боради, унга қанотларда ҳамюртлари Жорж Лакриндис ва Оуэн Голдрик ёрдам беради. 4-расмий ҳакам сифатида Жон Элдер, ВАРда эса Жорж Кинг ишлайди.

Шунингдек, Ўзбекистон – БАА учрашуви хитойлик ҳакамлар бригадасига ишониб топширилган. Бош ҳакам – Ма Нинг, унга қанотларда Жоу Феи ва Жанг Ченг ёрдам беради. 4-расмий ҳакам Ванг Ди, ВАР ҳаками эса Фу Минг.