Миллий терма жамоамиз “Уфа” билан дуранг ўйнади

Беллашувда ҳисоб 2-дақиқадаёқ очилди. Стоцкий миллий терма жамоамиз жарима майдончасига кириб, жамоадоши Марсиньони тўп билан таъминлади. Бразилиялик футболчига дарвозани ишғол қилиш учун тўп йўналишини ўзгартириш етарли бўлди. 

Биринчи бўлим ўрталарига келиб, футболчиларимиз рақиб дарвозасини кетма-кет икки бор ишғол қилди. Аввалига Шомуродов бурчак тўпидан кейин ҳисобни тенглаштирган бўлса, орадан икки дақиқа ўтиб, Искандеров узоқ масофадан “Уфа” дарвозасини нишонга олди. 

Иккинчи бўлим рақибнинг ҳужумлари билан бошланди. Бу 59-дақиқада пенальти билан якунланди. Нуқтага яқинлашган Марсиньо ўз дублини нишонлаб, учрашувга нуқта қўйган голга муаллифлик қилди.

Эслатиб ўтамиз, миллий терма жамоамиз бугун Австрия йиғинини якунлаб, юртимизга қайтиб келади ва 24 июль куни “Бунёдкор” стадионида Ироққа қарши майдонга тушади.  

НАЗОРАТ УЧРАШУВИ

“УФА” (Россия, Уфа) – ЎЗБЕКИСТОН – 2:2 (1:2)

20 июль. Австрия. Майрхофен

“Уфа”: Шелия, Стоцкий, Тумасян (Никитин, 70), Васин, Сафрониди (Сухов, 70), Обляков (Слай, 70), Безденежних (Батютин, 70), Ванек (Засеев, 70), Марсиньо (Зубарев, 70), Кротов (Сисуев, 70), Диего. 

Ўзбекистон: Нестеров, Тожиев, Мерзляков, Шораҳмедов, Искандеров, Соҳибов, Шукуров, Андреев, Аҳмедов, Каримов, Шомуродов. 

Голлар: Марсиньо, 2 - 1:0. Шомуродов, 19 - 1:1. Искандеров, 21 - 1:2. Марсиньо, 59 – 2:2.