Миллий спорт мукофоти-2024. Нодир Тўйчиев – йилнинг энг фаол спорт тарғиботчиси, ЎФА – йилнинг энг яхши спорт тадбири ташкилотчиси!
23 dec 2024 16:20
News

Миллий спорт мукофоти-2024. Нодир Тўйчиев – йилнинг энг фаол спорт тарғиботчиси, ЎФА – йилнинг энг яхши спорт тадбири ташкилотчиси!

Тошкентдаги Олимпия ва Паралимпия шон-шуҳрати музейида "Миллий спорт мукофоти-2024" тақдирлаш маросими бўлиб ўтмоқда.

Даставвал, жорий йил катталар ўртасидаги жаҳон чемпионатларида шоҳсупага кўтарилган спортчиларга Президент қарори асосида бир марталик пул мукофотлари тантанали равишда топширилди. Шундан сўнг 2024 йил давомида ўзбек спортида қайд этилган энг муҳим спорт тадбирларига бағишланган видеоролик намойиш этилди.

Шундан сўнг турли номинациялар бўйича энг яхшиларни тақдирлаш бошланди.

Сал аввал Ўзбекистон терма жамоаси ва "Ланс" клуби ҳимоячиси Абдуқодир Ҳусанов йилнинг энг яхши ёш спортчиси сифатида эътироф этилгани ҳақида хабар берган эдик. Энди эса навбат бошқа мукофотлар эгаларига етиб келди.

Хусусан, йил давомида ўзининг фидойилигини кўрсатган "Андижон" Ультрас етакчиси Нодир Тўйчиев йилнинг энг фаол спорт тарғиботчиси деб топилган бўлса, футзал бўйича ЖЧга мезбонлик қилган Ўзбекистон футбол ассоциацияси йилнинг энг яхши спорт тадбири ташкилотчиси бўлди.

Link :

Source : Championat.asia

Receive latest football news directly on your phone. Subscribe for our Telegram channel!

Rating: +9