Микаэль Секейра айтган гаплар Португалияда ҳам шов-шув уйғотди

Суперлига 23-тур учрашувини Қўқонда ўтказган "Локомотив" 1:2 ҳисобида мағлуб бўлгач, ўйиндан кейинги матбуот анжуманида "темирйўлчилар" устози ичидагини тўкиб солди. Микаэль Секейранинг айтган гаплари ўзбек ОАВда катта шов-шув уйғотди. 

Шунингдек, мураббийнинг гаплари ватани Португалияда ҳам телевидения, сайтлар ва нашрлар эътиборини тортди. Хусусан Португалияда чоп этиладиган машҳур "A Bola" спорт нашри Секейранинг ўйиндан кейин билдирган фикрларидан келиб чиқиб мақола чоп этди.

Эслатиб ўтамиз, португалиялик мураббий ўйиндан кейинги матбуот анжуманида бундай тизим ва футболга эътибор билан Ўзбекистон ҳеч қачон жаҳон чемпионатига чиқмаслигини айтган эди.