“Металлург-W”да “Ювентус де Йопугон” ўйинчиси кўрикдан ўтмоқда
14 feb 2020 09:13
News
“Металлург-W”да “Ювентус де Йопугон” ўйинчиси кўрикдан ўтмоқда
Аёллар футболи тарихида. Янги мавсумга ҳозирлик кўраётган Бекободнинг “Металлург-вумен” жамоаси таркибига Кот д’ Ивуарлик ўйинчи келиб қўшилди. Унинг исми шарифи Н’Днеге Периале Розахарин Кабрини. 1993 йилнинг 4 февралида таваллуд топган. Амплуаси – ярим ҳимоячи.
Ўзбекистонга ташрифига қадар Кот д’ Ивуарнинг “Ювентус де Йопугон” жамоасида тўп сурган. Кот д’ Ивуарнинг етакчи жамоасига 2013-2014 йилги мавсумдан ўтган. Шу вақт ичида тўрт карра Кот д’ Ивуар чемпиони, бир марта вице-чемпиони бўлган. Федерация кубоги, мамлакат кубоги соҳиби бўлган. Шу ўринда Кот д’ Ивуар аёллар чемпионатида 14 та жамоа иштирок этишини айтиб ўтмоқчимиз.
Ёшлигидан Кот д’ Ивуар терма жамоалари мураббийлари эътиборида. U-20 Жаҳон чемпионати саралаш босқичида (2013-2014), Канадада бўлиб ўтган Жаҳон чемпионати саралаш раундида (2013-2014) Кот д’ Ивуар терма жамоаси шарафини ҳимоя қилган. 2018 йили Ғарбий Африка футбол федерациялари кубоги мусобақасида қатнашиш учун миллий терма жамоага жалб этилган.
Н’Днеге “Металлург-вумен” мураббийларига маъқул келса у билан шартнома имзоланади. Бунақаси ўзбек футболи тарихида биринчи марта содир бўлади.
Similar news
championat.asia
Осиё чемпионига айланган U-17 терма жамоасининг 5 нафар футболчиси "Андижон"да!
Сергеев келажаги бўйича бир қарорга келди
Черан "Андижон" таклифини рад этди ва бошқа бир жамоага ўтмоқда
Роналду нима учун овоз бермади? Португалия сардори FIFA The Best маросимини ўтказиб юборди
Comments