Месси: "Ҳар доим жамоавий ютуқларни биринчи ўринга қўйган бўлсам-да, яна бир “Олтин тўп”ни қўлга киритганимдан хурсандлигимни яшира олмайман"
30 nov 2021 21:20
News

Месси: "Ҳар доим жамоавий ютуқларни биринчи ўринга қўйган бўлсам-да, яна бир “Олтин тўп”ни қўлга киритганимдан хурсандлигимни яшира олмайман"

ПСЖ ва Аргентина терма жамоаси ҳужумчиси еттинчи "Олтин тўп"ни олганидан кейин мурожаат билан чиқди.

Фаолияти давомида еттинчи бор "Олтин тўп"га эришган 34 ёшли Лионель Месси бу эътироф учун терма жамоадаги шерикларидан миннатдор эканлигини билдирди. Эслатиб ўтамиз, Аргентина терма жамоаси ёзда Америка кубогини қўлга киритганди.

“Мен ҳар доим жамоавий ютуқларни биринчи ўринга қўйган бўлсам-да, яна бир “Олтин тўп”ни қўлга киритганимдан хурсандлигимни яшира олмайман. Аргентина термасидаги барча жамоадошларимга биз ўтказган қойилмақом йил учун миннатдорчилик билдирмоқчиман.
"Барселона"даги собиқ жамоадошларим ва ҳозирги "Париж Сен-Жермен"даги клубдошларимга ҳам раҳмат айтаман. Ва, албатта, оилам ва дўстларимга, шунингдек, мени қўллаб-қувватлаб келаётган, мен билан ҳамиша бирга бўлиб, ғамхўрлик қиладиган ва ҳар куни ўз устимда ишлашимга мажбур қиладиган барча инсонларга катта раҳмат: уларсиз бундай бўлмасди. "France Football"ға ҳам ажойиб маросим ва мукофот учун ташаккур!", – деб ёзди Месси Instagram'да.

Link :

Source : instagram.com/leomessi

Receive latest football news directly on your phone. Subscribe for our Telegram channel!

Rating: +10