Мбаппе: "800, 850та гол урганлар учун 300 рақами жуда кулгили туюлади"

Тунда у Франция термаси таркибида Гибралтар дарвозасига уч марта йўл топди. Энди унинг миллий термадаги голлари сони 46тани ташкил қилмоқда. Клублар миқёсида эса унинг голлари 254тага тенг.

Қайд этиш керак, Мбаппе бу натижага 25 ёшда эришган илк футболчи бўлди, яъни, Лео Месси ва Криштиану Роналдудан эртароқ қўлга киритди.

"Бу жараённинг оддий бир қисми ҳолос. Фаолиятида 800, 850та гол урган футболчилар бор. Улар учун 300 рақами жуда кулгили. Олдинга ҳаракатланишда, клуб ва терма жамоада натижани яхшилашда давом этиш керак", - деди Мбаппе.

Эслатиб ўтамиз, Роналду фаолияти давомида 850та гол урган илк футболчи бўлган. Унинг ҳозирги голлари сони 858тага тенг. Лео Мессининг голлари эса 821тани ташкил қилади.