Майк Фелан: "Шарни ёрганим учун Фергюсон мени ҳайдаб юборса керак деб ўйлагандим"
26 apr 2020 16:49
News

Майк Фелан: "Шарни ёрганим учун Фергюсон мени ҳайдаб юборса керак деб ўйлагандим"

"Манчестер Юнайтед"да бош мураббий ёрдамчиси Майк Фелан манкунианликларнинг афсонавий устози Сер Алекс Фергюсон билан боғлиқ воқеани айтиб берди.

Ўйин вақтида мураббийлар штабида Сер Алекс Фергюсоннинг ёнида ўтирганида Фелан шар тутиб олди ва уни ёрди. Ўшанда мураббийлар штабидаги барча бироз чўчиб кетганди.

"Фаолиятимдаги энг муҳим вақтлардан бири бўлди, мен интернетда машҳур бўлиб кетдим. Бироқ ўшандан кейин Фергюсон мени ишдан бўшатиб юборишидан қўрқиб тургандим.
Футболчи ва мураббийлик давримда мен бирга ишлаган инсонларнинг орасида энг яхшиси Сер Алекс бўлган. Одамийлик нуқтаи назаридан унга етадигани йўқ эди.
Сульшер? У футболчиларига эркинлик тақдим қиляпти. У Сер Алекс давридан кейин илк марта футболчиларининг футболдан завқ олишига имконият яратмоқда", - деди Фелан.