Махсталиев ва унинг яна бир жамоадоши "Рубин"га ўтди
03 may 2021 11:55
News

Махсталиев ва унинг яна бир жамоадоши "Рубин"га ўтди

Биринчи лига иштирокчиси бўлган Тошкент вилоятининг "Рубин" жамоаси юзага келган имкониятдан унумли фойдаланиб қолишга уринмоқда.

Гап шундаки, Фарғонанинг "Истиқлол" жамоаси ПРО-Лигадаги иштирокини тўхтатгач, футболчилари ўз-ўзидан эркин агентга айланди. ЎзПФЛ эса футболчиларга қулайлик яратиш мақсадида гарчи трансфер ойнаси очилмаган бўлсада, бошқа жамоа рўйхатидан ўтишига рухсат берди.

"Рубин" жамоаси раҳбарияти бундай имкониятдан унумли фойдаланиб, "Истиқлол"нинг собиқ ўйинчиларига айланган - Аҳрор Ўктамов билан Элдор Эргашевни ўз таркибига қўшиб олганди.

Маълумотларга кўра, кеча яна Аббос Махсталиев билан Шохруҳ Бойқўзиев ҳам "Рубин" билан шартнома имзолаган.

Эслатиб ўтамиз, Ўзбекистон Coca Cola Кубогидаги иштирокини якунлаган Охангароннинг "Рубин" жамоаси энди асосий эътиборини чемпионат ўйинларига қаратади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5