Матерацци: "Асосийси, "Интер" "Милан"дан кучлироқ эканлигини билади"

Ўз вақтида ушбу тўқнашувда иштирок этган футболчилар бўлажак баҳс олдидан фикрлари билан ўртоқлашишмоқда. "Интер"нинг собиқ ҳимоячиси Марко Матерацци ҳам бундан четда қолмади ва "La Gazzetta dello Sport"га интервью берди.

"Интер"нинг кучи ҳақида
"Етакчи жамоанинг муҳим жиҳати — сен "Милан"дан кучлироқ эканлигингни билиш. Ва бу асосийси. Ҳа, "Милан" ҳам ёмон ҳолатда эмас, уларнинг таркибида кучли шаҳслар бор, ажойиб марказ ва мураббий бор. Аллегри балки ёрқин ўйин кўрсатмас, лекин нима қилаётганини доимо яхши билади.

"Интер" фаворитми? 
Бундай ўйинларда майдондаги воқеалар ҳар қандай фикрни йўққа чиқариши мумкин. Ўтган йилни эсланг: биз бирорта учрашувда юта олмадик. Суперкубокдаги 2:3 эса — ўтган мавсумни акс этувчи ҳолат: биз чўнтагимиздаги совринларни қўлдан чиқардик. Албатта, Скудетто ҳақида ҳам ўйлаяпман".