#Matchday: Лондонда итальянча қарама-қаршилик, Юппнинг ЕЧЛга қайтиши ва бошқа ўйинлар ҳақида (превью)

Кеча бошланган 3-тур ўйинлари бугун яна тўртта гуруҳда давом эттирилади.

"A" гуруҳи: "Бенфика" - "Манчестер Юнайтед", ЦСКА - "Базель"
"B" гуруҳи: "Бавария" - "Селтик", "Андерлехт" - "ПСЖ"
"C" гуруҳи: "Қорабоғ" - "Атлетико", "Челси" - "Рома"
"D" гуруҳи: "Барселона" - "Олимпиакос", "Ювентус" - "Спортинг"

"А" гуруҳида пешқадами "Манчестер Юнайтед" бугун Португалияга сафар уюштиради. Гуруҳ аутсайдери "Бенфика"га қарши ўйинда Моуринью жамоаси навбатдаги ғалабани қўлга киритган ҳолда плей-офф йўлланмасини деярли ҳал этиш мақсадида ҳаракат қилишлари аниқ. "Бенфика" учун имкониятларни сақлаб қолиш учун охирги имконият. Агарда жамоа бугун ҳам ғалаба қозона олмаса, унда гуруҳдан чиқиш имкониятлари деярли йўқолади. Шу нуқтаи назардан Руи Виториа жамоаси гранд рақибига қарши ўйинда ғалабани кўзлашлари керак бўлади. "Бенфика" футболчиси Андре Алмейда МЮ билан ўйинни дисквалификация туфайли ўтказиб юборади. МЮдаги йўқотишлар эса янада кўпроқ. Жамоа етакчиси Поль Погба, Златан Ибрагимович, Бейи, Рохо, Каррик ҳамда Маруан Феллайни жароҳатли боис ўйинда иштирок эта олишмайди. Лекин "Манчестер Юнайтед"нинг захирасида ҳам танловлар борлигини инобатга оладиган бўлсак, бу йўқотишлар Моуриньюга "Бенфика" билан ўйинда катта муаммо туғдирмаса керак.

Гуруҳда иккинчи ўрин курашаётган ЦСКА ва "Базель" Москвада учрашишади. Бу жамоалар ўртасидаги ўйин гуруҳдаги иккинчи йўлланма масаласини ҳал этиш эҳтимоли юқори. ЦСКАда муҳим ўйин олдидан бир нечта жиддий йўқотишлар мавжуд. Жамоа етакчиси Алан Загоев жароҳати боис ўйинда иштирок этмаслиги аниқ. Шунингдек, марказий ҳимоя вакиллари Васин, Березуцкий ҳамда ўрта чизиқ ўйинчиси Головиннинг ўйнаши сўроқ остида.

"B" гуруҳида ПСЖ якка пешқадам бўлиб турибди. Гуруҳ ҳокими бугун Бельгияда "Андерлехт" меҳмони бўлади. Ҳали бирорта гол уролмаган "Андерлехт" ўз дарвозасидан гол ўтказмаган ПСЖни дарвозасига йўл топа оладими, деган савол кун тартибида турибди. Бу ўйинда сенсация қайд этилмаса, унда ПСЖ сафардан 3 очко билан қайтиши деярли аниқ. "Андерлехт"даги мураббий истеъфоси ва янги мутахассиснинг келиши балки жамоанинг ўйинига сезиларли ўзгартириш кирита олиши мумкин.

Иккинчи учрашув эса Мюнхенда ўтказилади. ПСЖдан учралган йирик мағлубиятдан кейин Анчелоттига чиқиш эшикларини кўрсатган "Бавария"ни нафақадаги супер мураббий ўз бошқарувига олди. Юпп Хайнкес бугун ЕЧЛда ўз қайтишини нишонлайди. Сўнгги бор ушбу мураббий ЕЧЛ доирасида финал ўйинида "Боруссия"ни мағлубиятга учратиб "Бавария"га ажойиб мавсумни тақдим этганди. Бугун эса "Селтик" тўсиғидан ўтиш талаб этилади. Юппнинг жамоага қайтганини ички чемпионатда 5:0 ҳисоби билан нишонлаган "Бавария" энди ЕЧЛдаги қайтишини ҳам муносиб нишонлаши кутилмоқда. Аммо бунга "Селтик"ни шунчаки розилик бермаслиги мумкин.

"C" гуруҳидаги ўйинлар бугун бошқа "квартет"дагилардан кўра эртароқ бошланади. Озарбойжонда меҳмон бўладиган "Атлетико"нинг "Қорабоғ"га қарши ўйини Тошкент вақти билан 21:00га белгиланган. Ўтган турда ўз уйида "Рома"га етарлича қаршилик кўрсатган "Қорабоғ" бугун ҳимоявий ўйинни хуш кўрадиган "Атлетико"ни таслим этишга уриниб кўради. Ўтган мавсумда Қозоғистонга сафар уюштирган ва у ердан ғалаба билан қайта олмаган мадридликлар учун Озарбойжон сафари қай тариқа якунланади, бу номаълум. Шу жиҳатдан олиб қарайдиган бўлсак, "Қорабоғ" Диего Симеоне жамоасига кутилганидан ҳам кўпроқ муаммо туғдириши мумкин.

Куннинг марказий баҳси эса Лондонда "Челси" - "Рома" ўртасида кечади. 1-2 ўринда кетаётган жамоалар ўртасидаги баҳс ҳам турнир жадвали ҳолатидан келиб чиққанда ҳам алоҳида аҳамиятга эга. Италяньча услубда ўйнаётган, италиялик мутахассис қўл остидаги "Челси"га қарши Италиянинг "Рома" жамоаси. Қисқа қилиб айтганда, "Стэмфорд Бриж"да италиялик мутахассислар тўқнашуви: Антонио Конте - Эйсебио де Франческо.

"D" гуруҳида эса пешқадам аутсайдерга қарши ўйнаса, иккинчи йўлланма учун курашаётган жамоалар Туринда ўзаро тўқнаш келишади.  Эрнесто Вальверде қўл остида "Барселона" ЕЧЛнинг ҳар иккала учрашувида ҳам ғалаба қозонди ва гуруҳда якка ҳокимлик қилмоқда. Уларнинг бугунги рақиби Грециянинг "Олимпиакос" жамоаси эса ҳозирча очко жамғара олгани йўқ. Бу беллашувда фаворит номи аниқ.

Туринда эса 3 очкодан жамғарган "Ювентус" ҳамда "Спортинг" иккинчи ўринга чиқиб олиш учун кураш олиб боришади. "Барселона"дан учта гол ўтказган ва ўтган турда "Олимпиакос" қаршилигини қийинчилик билан синдирган "Юве" учун "Спортинг" билан бўладиган баҳс осон бўлмаслиги аниқ. Аллегри жамоасининг ички чемпионатдаги ишлари кўнгилдагидек кечмаяпти. Бу ҳам жамоага руҳай босим юклаши аниқ. "Спортинг" эса "Юве"нинг айнан шу нуқтасидан унумли фойдаланишга ҳаракат қилиб кўради. Аллегри охирги ўйиндардаги муваффақиятсизликлардан кейин ўз мухлислари қаршисида туринлик ишқибозларга ғалабани тақдим этиши шарт. "Юве"га ғалаба нафақат руҳий босим, тушкунликдан чиқиб кетиш учун зарур, балки турнир жадвали ҳолатидан ҳам ҳам улар бугун хато қилишга ҳақлари йўқ. Акс ҳолда гуруҳдан чиқиш имкониятларини кескин пасайиб кетиши мумкин.

"A" гуруҳи
"Бенфика" - "Манчестер Юнайтед"
"Бенфика": Жулио Сезар; Дуглас, Луизао, Рубен Диаш, Гримальдо; Фейса, Пицци, Сальвио, Серви; Жонас, Сеферович
Ўйнамайди: Андре Алмейда (дисквалификация)
"Манчестер Юнайтед": де Хеа; Валенсия, Смоллинг, Джонс, Линделеф, Дармиан; Эррера, Блинд, Мхитарян, Лингард; Рэшфорд
Ўйнамайди: Рохо (жароҳат), Ибрагимович (жароҳат), Погба (жароҳат), Каррик (жароҳат), Феллайни (жароҳат), Бейи (жароҳат)

ЦСКА - "Базель"
ЦСКА: Акинфеев; Фернандес, А. Березуцкий, Васин, В. Березуцкий, Щенников; Вернблум, Натхо, Головин; Витиньо, Оланаре
Ўйнамайди: Дзагоев (жароҳат)
Сўроқ остида: Васин (жароҳат), В. Березуцкий (жароҳат), Головин (жароҳат)
"Базель": Вацлик; Ланг, Аканджи, Сухи, Джака, Петретта; Штеффен, Дье, Дзуффи, Оберлин; Эльюнусси
Ўйнамайди: ван Волфсвинкел (жароҳат)
Сўроқ остида: Баланта (жароҳат)

"B" гуруҳи
"Бавария" - "Селтик"
"Бавария": Ульрайх; Киммих, Хуммельс, Хуммельс, Алаба; Руди, Тьяго, Мюллер; Роббен, Коман, Левандовски
Ўйнамайди: Нойер (жароҳат), Бернат (жароҳат), Мартинес (жароҳат), Рибери (жароҳат)
"Селтик": Гордон; Гамбоа, Лустиг, Боята, Тирни; Браун, Нчам; Робертс, Рогич, Синклер; Гриффитс
Ўйнамайди: Рэлстон (жароҳат), Шимунович (жароҳат)

"Андерлехт" - "ПСЖ"
"Андерлехт": Селс; Дендонкер, Кара, Дешахт, Аппиа; Кумс, Требель, Геркенс; Оньекуру, Теодорчик, Анни
Ўйнамайди: Спаич (жароҳат), Нахар (жароҳат)
Сўроқ остида: Сова (жароҳат)
ПСЖ: Ареола; Дани Алвес, Маркиньос, Кимпембе, Кюрзава; Тьяго Мотта, Рабьо, Верратти; Мбаппе, Кавани, Неймар
Ўйнамайди: Тьяго Силва (жароҳат)
Сўроқ остида: Кавани (жароҳат), Кюрзава (жароҳат), Мотта (жароҳат), Пасторе (жароҳат), Верратти

"C" гуруҳи
"Челси" - "Рома"
"Челси": Куртуа; Аспиликуэта, Луис, Кэхилл; Дзаппакоста, Фабрегас, Бакайоко, Алонсо; Педро, Азар; Виллиан
Ўйнамайди: Канте (жароҳат), Моузес (жароҳат), Дринкуотер (жароҳат)
Сўроқ остида: Мората (жароҳат)
"Рома": Алиссон; Бруно Перес, Фасио, Жуан Жезус, Коларов; Строотман, Де Росси, Наингголан; Флоренци, Джеко, Перотти
Ўйнамайди: Манолас (жароҳат), Шик (жароҳат), Дефрель (жароҳат)

"Қорабоғ" - "Атлетико"
"Қорабоғ": Шехич; Медведев, Садыгов, Гусейнов, Аголи; Гараев, Энрике, Ричард Алмейда, Кинтана, Эльюнусси; Мадатов
Сўроқ остида: Дино Ндлову (жароҳат)
"Атлетико": Облак; Врсалько, Хименес, Годин, Филипе Луис; Габи, Томас, Сауль, Карраско; Корреа, Торрес
Ўйнамайди: Хуанфран (жароҳат), Вьетто (жароҳат)
Сўроқ остида: Гризманн (жароҳат), Коке (жароҳат)

"D" гуруҳи
"Барселона" - "Олимпиакос"
"Барселона": тер Стеген; Семеду, Пике, Юмтити, Динь; Роберто, Бускетс, Иниеста; Месси, Суарес, Деулофеу
Ўйнамайди: Дембеле (задняя мышца бедра), Рафинья (колено)
Сўроқ остида: Арда Туран (стопа)
"Олимпиакос": Прото; Элабделлауи, Ботия, Николау, Кутрис; Карсела-Гонсалес, Жийе, Зделар, Ромао, Андруцос, Оджиджа
Ўйнамайди: Бен-Набуан (жароҳат), Эменике (жароҳат), Фигейраш, Себа

"Ювентус" - "Спортинг"
"Ювентус": Буффон; Стураро, Ругани, Кьеллини, Алекс Сандро; Пьянич, Матюйди; Куадрадо, Дибала, Манджукич; Игуаин
Ўйнамайди: де Шильо (жароҳат), Хеведес (жароҳат), Маркизио (жароҳат)
"Спортинг": Патрисиу; Пиччини, Коатес, Матье, Фабиу Коэнтрау; Желсон, Вилльям Карвалью, Батталья, Бруну Фернандеш, Акунья; Думбия.