Массимилиано Аллегри: "Роналду кўплаб голлар уради ва вазиятни хал қилади"

"Бир қанча вазиятларга эга бўлган қизиқарли ўйин бўлди. "Милан" яхши ўйнади ва бизга муаммолар туғдирди. Бироқ, рақиб сафидаги четлатишдан кейин, иккинчи голни уришимиз учун биз яхшироқ ўйнай олдик. Ўйин ҳарорати қайноқ ва чарчоқли бўлди. Ушбу совринга мувозанатли ёндашган ҳолда ҳақли эришдик. Бутун жамоа яхши натижа кўрсатди. Дибаланинг бекор қилинган голидаги эпизодда яхшироқ ҳаракат қилишимиз керак эди. Бунинг ўрнига тезлик билан тўпни ўйинга киритилишига ва "Милан"ни қарши ҳужум қилишига имкон бердик. Миланликлар яхши ўйнашди. Узатмаларда кўп хатоларга йўл қўйдик.

Роналду билан шартнома тузганимизнинг сабаби, у муҳим паллаларда кўплаб голлар уради ва ўйин тақдирини ҳал қилади.

Дибала чизиқлар ўртасида яхши ҳаракат қилди. Жамоага ёрдам бериш учун кўп тер тўкди. Эҳтимол, у дарвозага кўплаб зарба бериши мумкин эди. Лекин, ҳимоячилар уни ёпишга эришишди", — дея Аллегрининг сўзларини келтиради Football Italia нашри.