"Машъал": Россиялик легионер кўрикка келади

"Динамо"га қарши Тошкентда бўлиб ўтган баҳсдан сўнг жамоамиз аъзолари уч кунлик таътилга чиқди. Навбатдаги йиғин 22 январь куни Янгиерда бошланади.

Ушбу йиғинга жамоамиз сафига россиялик легионер ҳам келиб қўшилади. Владислав Иванов номли ушбу футболчи Эстонияда таваллуд топган ва айни вақтда Россия фуқороси ҳисобланди. 29 ёшли ҳужумчи фаолияти давомида Россия ( "Ҳимик", "Луч", "Торпедо" ), Швеция ("Илиоуполи", "Астерас" ), Эстония ("Транс", "Левадиа" ) клубларида ҳаракат қилган.

Фаолияти давомида 107 та учрашувда майдонга тушиб, 65 та гол киритишга эришган.  2014 йилда Эстониянинг "Левадиа" клуби шарафини ҳимоя қилди ва 21 та учрашувда майдонга тушиб, 19 та гол киритди.

Иванов Тошкентда 21 январь куни етиб келади ва кейинги йиғинимизда иштирок этади. Айтиб ўтиш керакки , айни вақтда жамоамизда легионерлар мавжуд эмас.