Мартин Эдегор сермаҳсуллик намойиш этмоқда

Сан-Себастьянликларнинг иккинчи голига Мартин Эдегор муаллифлик қилди. 21 ёшли футболчи барча мусобақалар доирасида сўнгги 6 та ўйинда гол+пас тизимида 7 (3 та гол, 4 та голли узатма) очко ишлашга эришди. Қайд этиш жоиз, Эдегор 1/4 финалда Мадриднинг “Реал”ига ҳам гол урганди. Мартиннинг трансфери ҳуқуқи эса Мадрид клубига тегишли.

Футболчи жорий мавсум “Сосьедад” сафида 24 та ўйин ўтказиб, 7 та гол урди ва 8 та голли узатмани амалга оширди.