Марселонинг дисквалификацияси бир ўйинга қисқартирилди

29 ёшли бразилиялик футболчи Ла Лиганинг 3-турида “Леванте”га (1:1) қарши баҳсда рақиб ярим ҳимоячиси Жеферсон Лермага қарши қўполлиги учун қизил карточка билан “сийланганди”.

Учрашув қайдномасида ҳакам Марсело рақиб футболчиси тўп билан ҳаракат  қилаётган пайтида унга орқасидан зарба берганлигини қайд этган. Мусобақа регламентида эса бу каби қўполликлар учун бир ўйиндан учта ўйингача дисквалификация қилиниши кўрсатилган.

Футболчи ушбу қоидага мувофиқ 2 ўйинга четлатилган эди. Аммо қироллик клуби ушбу қарорга аппеляция берди ва натижада Марселонинг дисквалификацияси бир ўйингача қисқартирилди.

Бразилиялик футболчи Испания чемпионатининг навбатдаги турид “Реал Сосьедад”га қарши баҳсда жамоадошларига ёрдам бера олмасада, ундан кейинги турда “Бетис”га қарши майдонга тушиш имкониятига эга.