"Марсель"нинг собиқ президенти вафот этди

2017 йилдан буён у ошқозон саратонига қарши курашиб келаётганди. Сўнгги ойларда унинг саломатлиги анча ёмонлашганди.

"Тапи доимо марселликларнинг юрагида қолади. У бир умр клубнинг афсонаси бўлаверади. Унинг яқинларига таъзия билдирамиз", - деб ёзилади клуб баёнотида.

Тапи 1986-1994 йиллар давомида "Марсель" клуби президенти бўлиб ишлади. Ушбу давр мобайнида клуб 4 марта Франция чемпиони бўлди. Шунингдек, 1993 йилда ЕЧЛ бош совринини қўлга киритди.

1990-93 йиллар давомида у "Adidas"га ҳам раҳбарлик қилди.

1990 йиллар ўртасида у келишилган ўйинларни ташкил қилиш билан айбланиб, қамоқ жазосига тайинланди ва ўшанда "Марсель"нинг 1992/93 йилги чемпионлиги олиб қўйилиб, жамоа иккинчи дивизионга тушириб юборилганди.