Марко Николич — ЦСКА бош мураббийи!
06 jun 2024 16:11
News

Марко Николич — ЦСКА бош мураббийи!

Сербиялик мураббий Марко Николич Москванинг ЦСКА жамоаси билан шартнома имзолади, деб хабар бермоқда Москва футбол клуби матбуот хизмати.

44 ёшли мутахассис билан шартнома 2025/26 йилги мавсум якунига қадар мўлжалланган.

Жамоа Николич бошчилигида янги мавсумга тайёргарликни 20 июн куни Новогорскдаги қароргоҳида бошлайди.

Николичнинг сўнгги иш жойи "Шабаб Ал Аҳли" бўлиб, у бу клубни 30 май куни тарк этганди. Сербиялик мураббий 2020 йилдан 2021 йилгача Москванинг "Локомотив" жамоасини бошқарган ва Россия Кубогини ютган, миллий чемпионат бронза медалини қўлга киритган.

Душанба куни ЦСКА Владимир Федотов жамоа бош мураббийлигидан озод этилганини эълон қилганди. Федотов "армиячилар" билан Россия Кубогида ғолиб бўлган ва миллий чемпионатда 2-ўринни банд этганди. "Қизил-кўклар" мавсум якунига кўра 6-поғонани эгаллаган эди.

Link :

Source : pfc-cska.com

Receive latest football news directly on your phone. Subscribe for our Telegram channel!

Rating: +2