Марҳум Николай Ширшов оиласига ёрдам беришни хоҳлайсизми? "Пахтакор" - "Бунёдкор" учрашувига марҳамат! 
		
		27 jun 2022 10:42
        News	
	 
				 
				Марҳум Николай Ширшов оиласига ёрдам беришни хоҳлайсизми? "Пахтакор" - "Бунёдкор" учрашувига марҳамат!
Айниқса, 2002 йилги ЖЧ саралаши доирасидаги Хитойга қарши сўнгги ўйин мухлисларнинг ҳали ҳам ёдида бўлса, ажаб эмас. Гап шундаки, сўнгги ўйинда ҳам бизда ҳеч бўлмаганда плей-оффга чиқиш учун назарий имконият бор эди. Бунинг учун термамиз бу баҳсда ғалаба қозониши, гуруҳдаги бошқа рақибларимиз ҳисобланган, БАА - Уммон баҳсида эса меҳмонларнинг қўли баланд келиши керак эди. Учрашувнинг сўнгги дақиқалари ўтиб бораётганда, Ширшов хитойликлар дарвозасини узоқ масофадан ишғол қилди ва бу қувончини мухлислар билан баҳам кўрди. Бу хурсандчиликнинг сабаби эса стадионда БАА - Уммон баҳсида, меҳмонларнинг қўли баланд келгани ҳақида нотўғри маълумот кетгани сабаб бўлган эди. Кейинчалик эса, ғалаба қозонганимизга қарамай плей-оффга илина олмаганимиз ойдинлашганди.
Футболчилик фаолиятини якунлагач, Ширшов Россияда ёш футболчиларга мураббийлик қилиб келаётганди. 2021 йилнинг 28 декабрь куни нохуш хабар барча ўзбекистонлик футбол мухлисларини ранжитди: Николай Ширшов вафот этди...
Унинг ўйинларини кўриб катта бўлган инсонлар бунга ишонишмасди. Афсуски энди у орамизда йўқ. Бир неча йил давомида "Пахтакор" клубида тўп тепган Николай Ширшовни "халқ жамоаси" ёдидан чиқариб қўйгани йўқ.
29 июнь кунги "Бунёдкор"га қарши баҳсда мухлислар харид қилган чипталардан тушган маблағ тўлиғича Николай Ширшовнинг оиласига ўтказиб берилади. Шундай экан чоршанба кунги баҳсда стадионга ташриф буюришни ва ўзбек футболи афсоналаридан бирининг оиласини қўллаб-қувватлашга ўз ҳиссангизни қўшингизни сўраб қоламиз.
Эслатиб ўтамиз, "Пахтакор" - "Бунёдкор" учрашуви 29 июнь куни соат 20:00да "Пахтакор" стадионида бошланади.
| Pakhtakor Abbosbek Fayzullayev - 18', Farrukh Sayfiev - 86' | Superliga. Round 13 29/06/2022, 20:00 3: 2 Finished | Bunyodkor Jasur Hakimov - 51', Umarali Rakhmonaliev - 81', Umarali Rakhmonaliev - 90' | 
Similar news
 championat.asia
                   
                   
			
		
		
			championat.asia
		
	 
             "Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
                    "Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди Суперлига. "Насаф" "Навбаҳор" майдонида очко йўқотди
                    Суперлига. "Насаф" "Навбаҳор" майдонида очко йўқотди Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
                    Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
                    Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Comments