Манолас Суаресга “Рома”дан учралган мағлубиятни эслатди
11 aug 2019 09:29
News

Манолас Суаресга “Рома”дан учралган мағлубиятни эслатди

“Барселона” ва “Наполи” (0:4) ўртасида кечган ўртоқлик учрашуви вақтида каталонияликлар ҳужумчиси Луис Суарес ва неаполликлар ҳимоячиси Костас Манолас ўзаро тортишиб қолишди.

Даҳанаки жанг ортидан Манолас Суаресга учта бармоғини кўрсатиб, унга “Барселона”нинг 2017/18 йилги мавсумда “Рома”дан (0:3) учралган мағлубиятни эслатган.

Эслатиб ўтамиз, ўшанда “Барса” ЕЧЛ чорак финалида илк учрашувда “Рома”ни 4:1 ҳисобида таслим этиб, жавоб ўйинида Римда 0:3 ҳисобида мағлубиятга учраган ва якунда мусобақани тарк этганди. Манолас ўшанда римликлар шарафини ҳимоя қилганди.