"Манчестер Юнайтед" Нмеча учун тахминан 48 млн евро беришга тайёр. Дортмундликлар хавбекни сотмоқчи эмас

Англия клуби ёзги трансферлар даврида 24 ёшли марказий ярим ҳимоячини ўз сафига қўшиб олиш имкониятини кўриб чиқмоқда.

Қайд этилишича, манкунианликлар хавбек учун тахминан 48 миллион евро беришга тайёр.

Аммо, Дортмунднинг "Боруссия" клуби футболчини жамоанинг асосий ўйинчиси деб ҳисоблайди, шу боис уни сотишга интилмаяпти.

Феликс Нмеча жорий мавсум Бундеслигада 19 та ўйинда майдонга тушди ва 2 та гол ҳамда 1 та голли узатмага муаллифлик қилди.