"Манчестер Юнайтед" жаримага тортилди
11 nov 2022 18:23
News

"Манчестер Юнайтед" жаримага тортилди

МЮ "Ньюкасл" ва "Челси"га қарши кечган ўйинларда футболчиларининг ҳаракатларини назорат қила олмагани учун жазоланди.

Англия футбол ассоциацияси "Олд Траффорд" эгаларига 82 минг фунт миқдорида жарима жазосини белгилади. "Қизил иблислар" "Ньюкасл" билан баҳсдаги ҳолатлар учун 45 минг фунт ва "Челси" билан ўйини учун 37 минг фунт жарима тўлайдиган бўлди. 16 ва 22 октябрь кунлари бўлиб ўтган учрашувларда манкунианлар ташкилотнинг "E20.1" қоидасини бузгани маълум бўлди.

"Ньюкасл" билан қарама-қаршиликда кечган ўйинда "Юнайтед" футболчилари ҳакамнинг Роналдунинг голини инобатга олмагани учун ўраб олишганди.

Орадан бир ҳафта ўтиб эса жамоа ўйинчилари "Челси"нинг пенальти тепишига эътироз билдиришган эди.

Link :

Source : Daily Mail

Receive latest football news directly on your phone. Subscribe for our Telegram channel!

Rating: +3