Магуайр тен Хаг билан МЮдаги келажагини муҳокама қилади. Клуб ҳимоячини қўйиб юборишга тайёр

МЮ ҳимоячиси Харри Магуайр Эрик тен Хаг билан ўзининг клубдаги келажагини муҳокама қилади. Умуман олганда, тен Хаг ҳимоячини келаси мавсум ҳам жамоада қолишига қарши эмас, аммо Магуайрнинг ўзи кўпроқ ўйин амалиёти олиш учун МЮни тарк этмоқчи. 

"Манчестер Юнайтед" ҳам Магуайр борасидаги таклифларни кўриб чиқишга тайёр. Ҳозирда Магуайр билан "Вест Хэм" шартнома имзолаши мумкиндек кўринмоқда. "Вест Хэм" қишда ҳимоячига қизиқиш билдирганди. 

Маълумот учун, Магуайр ушбу мавсум МЮ таркибида 16 марта майдонга тушди.