Луисма Эрнандес: "Бизда ҳужум билан боғлиқ муаммолар бор. Шунга қарамасдан ёш футболчиларга имкон бераяпмиз"

Ўйин ҳақида

- Албатта ҳар икки жамоа ғалаба учун ўйнагани кўриниб турди. Бизда вазиятлар кўп бўлди, афсус фойдалана олмадик. Шу сабаб ўйин дуранг натижа билан якунига етди. Бугунги ўйинда фақат ғалаба учун майдонга чиққандик. Жамоаларнинг кучлари тенг эканлиги яққол кўринди. 

- Сўнги ўйинларда дарвозабонлар ротациясини амалга ошираяпсиз, бунинг сабаби нима?

- Бу менинг қарорим. Жамоамизда 3 та дарвозабон бор, уларнинг ҳаракатларидан мамнунман. Ўйинлар давомида уларга навбатма-навбат имкон бераяпмиз.

- Жамоангиз Суперлигада кам гол уриб келаётганди. Бу нима билан боғлиқ?

- Ўтган ҳафтада айтиб ўтганимдек, бизда ҳужум билан боғлиқ муаммолар бор. Шунга қарамасдан ёш футболчиларга ҳам имкон бераяпмиз. Вазиятларимиз бўлаяпти, аммо фойдалана олмаяпмиз. 

Ўйинлар вақти 19:00га кўчирилди. Балки иссиқ об-ҳаво таъсири сезилгандир. Лекин бу баҳона бўла олмайди. Кетма-кет қисқа фурсат ичида 4 та ўйин бўлди, йигитлар тикланишга улгуришмаяпти. 

Бу ўйиндан сўнг яхшилаб ҳордиқ чиқарамиз ва "Пахтакор" билан ўйинга тайёргарликка киришамиз.