Луис Энрике "Ливерпул"га имкониятни бой берганидан кейин: "Шу ўйинни такрорласак, кейинги босқичга чиқамиз"

Луис Энрике ПСЖнинг 1/4 финалга чиқиш имкониятларига баҳо берди.

"Биз кўпроғига лойиқ эдик. Бугунги беллашув кичик деталлар ёки статистик кўрсаткичларга боғлиқ эмасди. Биз "Ливерпул"га ўйин бермадик ва деярли барча жабҳада устунлик қилдик. Рақиб дастлабки беш дақиқа биздан яхшироқ кўринди, қолган дақиқаларда биз устунлик қилдик.

Шубҳасиз, ПСЖ кейинги босқичга чиқа олади. Биз энди биринчи ўйинни ўтказдик. Йўқотадиган нарсамиз йўқ. Бугунги ўйинни такрорлай олсак, кейинги босқичга чиқамиз.

Албатта, бизга осон эмас, лекин биз Англияга йўл оламиз ва бугунгидек ўйин кўрсатишга ҳаракат қиламиз. Аввал ҳам шу каби вазиятда сафарда камбэк қила олганмиз. Жавоб баҳсида ҳам ишончли ўйин кўрсатиб, кейинги босқичга чиқишга лойиқ жамоалигимизни исботлаймиз", – деди ПСЖ устози.