Луиджи Ди Бияджо: "Мусобақага қийин ҳолатда тайёргарлик кўрмоқдамиз"

- Жаноб Бияджио эртага старт оладиган "Mirabror Usmonov Cup-2025"га Саудия Арабистони қай тарзда тайёргарлик кўрди? Саудиялик футболчилар ҳозирги кунда ўз клублари билан мавсум олди йиғинларида иштирок этаётган эди...

- Биз ушбу мусобақага қийин ҳолатда тайёргарлик кўрмоқдамиз. Сабаби барча футболчилар терма жамоа ихтиёрига клубларидаги йиғинлардан сўнг етиб келишди. Тўлиқ таркиб йиғилмаган, айрим етакчиларимизни клублари қўйиб юбормади ва айрим ўйинчилар жароҳат олишган. Тошкентга олиб келган таркибимизда янги футболчилар кўп. Уларга ушбу мусобақада имконият бериб кўрамиз. Бироқ ушбу ҳолатда ҳам жамоа яхши тайёргарлик кўрди деб ҳисоблайман ва биз эртанги ўйинга тайёрмиз.

- Мусобақадаги рақиблар Ўзбекистон ва Япония терма жамоалари ҳақида фикр билдириб ўтсангиз. Саудия Олимпия терма жамоаси Осиё "гранд"ларига қарши ўйнашга қанчалик тайёр?

- Ушбу мини-турнирда қитъанинг энг катта жамоалари иштирок этяпти. Ўзбекистон терма жамоаси яқинда Жаҳон чемпионатига чиқди, ва сизнинг мамлакатингиз Осиёдаги энг яхши футбол мактабларидан бирига эга. Ёшлар терма жамоангиз ҳам сўнгги Осиё Кубокларида яхши иштирок этиб келмоқда, аммо биз барча рақибга қаршилик кўрсатишга тайёрмиз.

Япония ҳам Осиёдаги катта номлардан бири. Умумий қилиб айтганда, қизиқарли мусобақа бўлади. 

Эслатиб ўтамиз, "Mirabror Usmanov Cup-2025" мусобақасидан ўрин олган Ўзбекистон U-23 - Саудия Арабистони U-23 учрашуви эртага соат 20:00да "ЖАР" стадионида бўлиб ўттади.

Абдулвосит Бектемиров суҳбатлашди