"Локомотив" вокзалда катта тантана билан кутиб олинди
30 nov 2016 21:57
News

"Локомотив" вокзалда катта тантана билан кутиб олинди

Бугун бўлиб ўтган Ўзбекистон Кубоги финалида 1:0 ҳисобида ғалаба қозонган "Локомотив" футболчилари ўйиндан сўнг "Афросиёб" тезюрар поездида пойтахтга қайтиб келишди.

Жамоа аъзоларини Тошкент темирйўл вокзалида мухлислар карнай-сурнай ва олқишлар билан кутиб олишди. Темирйўл соҳасида фаолият юритиб келаётган қизлар футболчиларга гуллар тақдим этишди.

Ўз тарихида иккинчи бор Кубокда зафар қучган "Локомотив" ПФКни Тошкент вокзалида шунингдек, "Ўзбекистон темир йўллари" АЖ раҳбарлари ҳам хуш кайфият билан кутиб олишди. Бундай эътибордан жамоамиз вакиллари шод бўлишди ва йиғилганларга миннатдорчилик изҳор этишди.