“Локомотив” футболчилари Янги Йил байрами муносабати билан қисқа таътилга чиқишди

“Темирйўлчилар”нинг илк мавсумолди йиғини ўз ниҳоясига етди.

Таъкидлаш жоиз, илк йиғин доирасида “Локомотив” футболчилари бир бора ўртоқлик учрашувида майдонга тушишди. “Олмалиқ” клубига қарши кечган беллашувда “Локо” аъзолари 3:1 ҳисобида ғалабага эришишди.

Эндиликда “Локомотив” футболчиларига Янги Йил байрами муносабати билан қисқа таътил берилди. Жамоа 3 январ санасидан яна пойтахтимизда йиғилади ва 7 январга қадар Тошкентда шуғулланади. Сўнг “Темирйўлчилар” жамоаси илк хориж йиғинини ўтказиш учун БААнинг Дубай шаҳрига йўл олади.