"Локомотив" энг йирик ғалаба соҳиби
18 aug 2015 08:14
News

"Локомотив" энг йирик ғалаба соҳиби

Олий лиганинг 18-турини якунлаб берувчи баҳсда "Локомотив" "Сўғдиёна" клубини қабул қилиб 7:0 ҳисобида зафар қучди.

Шу тариқа, "темирйўлчилар" 2015 йилги мавсумда олий лиганинг рекордини қайд этишди. Ҳозирга қадар ҳеч бир жамоа бу қадар йирик ҳисобда ютмаган эди. Бунгача энг йирик ҳисоб 5:1 бўлиб турганди. Бундай натижага "Металлург" ("Андижон"га қарши ўйинда) ва "Локомотив" ("Навбаҳор"га қарши ўйинда) эришганди.

Бундан ташқари 7:0 "Локомотив" - "Сўғдиёна" ўртасидаги ўйинларда қайд этилган энг йирик ҳисоб сифатида қайд этилди. Бунга қадар "темирйўлчилар" 2005 йил бу рақибни 5:0 ҳисобида таслим қилишганди.