"Ливерпуль"нинг етакчи ҳужумчилари Суперкубок учун баҳсда иштирок этмасликлари мумкин
01 aug 2019 10:53
News

"Ливерпуль"нинг етакчи ҳужумчилари Суперкубок учун баҳсда иштирок этмасликлари мумкин

"Ливерпуль" бош мураббийи Юрген Клопп "Манчестер Сити"га қарши бўладиган Англия Суперкубоги учун баҳсга таркибни танламаганини айтди.

"Ҳозирча Салоҳ, Мане ва Фирмино "Манчестер Сити"га қарши ўйнай олишини билмайман. Аммо улар майдонга тушишига умид бор. Учрашувга яхши тайёрланиш керак.

"Манчестер Сити" билан ўйин бошқа баҳслардан фарқ қилади. Уларга қарши ҳар томонлама тайёр бўлиш учун мавсумолди тайёргарликда "шаҳарликлар" билан баҳс ўтказишимиз керак эди, биз эса бундай қилмадик. Аммо ҳаммаси яхши" - дейди Клопп.

Сўнгги Англия чемпионатида "Манчестер Сити" 98 очко тўплаб олтин медалларни қўлга киритди. "Ливерпуль" иккинчи ўринни эгаллади ва чемпиондан бир очко ортда қолди.

Англия Суперкубоги учун баҳс 4 август куни "Уэмбли" стадионида бўлиб ўтади. Ўйин Тошкент вақти билан 19:00да бошланади.

Link :

Source : liverpoolfc.com

Receive latest football news directly on your phone. Subscribe for our Telegram channel!

Rating: +9