"Ливерпуль" Вейналдумнинг ўрнига кимни олиб келиши мумкин?

"Daily Mail" маълумотига қараганда, мерсисайдликлар шорт-листига Аарон Рэмзи ("Ювентус"), Ив Бисссума ("Брайтон") ва Уссам Ауар ("Лион") киритилган. 

Қайд этилишича, Рэмзи варианти футболчининг катта маоши ва унинг жароҳатга мойил экани сабабли амалга ошиши қийин. Биссума билан шартнома имзолаш учун "Арсенал" ва "Лестер" билан рақобатда ғолиб бўлиш лозим. Ауарнинг трансфери эса 75 миллион еврога баҳоланяпти.  

Эслатиб ўтамиз, Вейналдумнинг "Ливерпуль" билан шартномаси шу йилнинг ёзида ўз ниҳоясига етади.