"Лейпциг" Испания терма жамоаси футболчисига қизиқмоқда

Брайанни Швеция термаси хавбеки Эмиль Форсбергнинг ўринбосари сифатида кўришмоқда. Қишда Эмиль "Нью-Йорк Рэд Буллз" сафига кетиши кутилмоқда.

Немис клуби агарда бошқа футболчи топа олса, 32 ёшли шведни қўйиб юборишга рози. Бу ролга асосий номзод Сарагоса саналади. "РБ Лейпциг" испанияликнинг 14 миллион евро қилиб белгиланган товон пулини тўлаб бериши мумкин.

Бу мавсум Сарагоса Ла Лиганинг 13 ўйинида 5 та гол урди ва 2 та голли узатма етказиб берди ҳамда 4 та сариқ карточка ишлаб олди. 

"Transfermarkt" портали 22 ёшли футболчини 8 миллион еврога баҳоламоқда.