Левандовски МЮга трансфери ҳақида: "Фергюсон қўнғироқ қилган, лекин унинг талаффузини тушунмаганман"

Бу польшалик форвард Дортмунднинг "Боруссия"сида ўйнаганида содир бўлган.

"Фергюсон менга қўнғироқ қилган, кейин мен у билан қайта боғланганман. У мен билан гаплашган, лекин унинг талаффузидан ҳеч нарсани тушунолмаганман. Унинг сўзларини тушуниш учун диққатимни жамлашга ҳаракат қилганман. Мен: "Албатта, албатта", дедим, бироқ аслида ҳеч нарсани тушунолмасдим. Умуман олганда, мен унга ҳа деганман ва трансфер, менимча, яқин эди. Аммо Дортмунд президенти мени сота олмаслигини айтган. Бу қулай фурсат эмасди", – дея воқеалар ривожини эслади Роберт.