Лазизбек Мирзаев: "Локомотив"да қанча вақт ўйнасам ҳам барча мусобақаларда жамоа билан ғолиб чиқмоқчиман"

2006 йилда туғилган футболчи "Локомотив" билан профессионал шартномасини имзолади

"Одил Аҳмедов футбол академияси"дан "темирйўлчилар" сафига келиб қўшилган ёш иқтидор соҳиби айни пайтда асосий жамоа билан Анталия шаҳрида йиғинда қатнашмоқда. Футболчи сайтимизга фикрлари билан ўртоқлашди. 

"Локомотив"гача ҳам ўз ишимизни қилиб, тўп тепиб келдик. Қайсидир маънода ўзимни кўрсата олдим, якунда шу жамоага қабул қилишди. Энди асосий таркибга киришга ҳаракат қиламан ва қанча вақт ўйнасам ҳам жамоа билан ўзимиз иштирок этадиган турнирларда ғолиб бўлишга ҳаракат қиламан.  Жамоадагилар яхши қабул қилишди. Бу ерда янги ёки эски келган, деган нарсалар йўқ. 

Терма жамоа бошқа даража. У ерда ҳам имконият берилса бор кучим билан ўйнайман",- дейди Лазизбек Мирзаев. 

"Тошкентлик Модрич" билан танишамиз