Лаутаро Мартинеснинг агентлари "Барселона" билан музокаралар ўтказиш учун Испанияга келишди

Футболчининг вакиллари Каталония клуби раҳбарияти билан учрашиш учун Барселонага келишди, деб хабар берди TyC Sports.

Олдинроқ "Интер" вице-президенти Хавьер Дзанетти аргентиналик ҳужумчи Лаутаро Мартинеснинг кетиши мумкинлиги ҳақидаги миш-мишларга изоҳ бериб, форвард клубни тарк этмаслигини айтганди.

Маълум бўлишича, "Интер" испанлардан тахминан 111 миллион евро сўраган. "Барселона" коронавирус пандемияси шароитида молиявий инқирозни бошдан кечиряпти ва бундай суммани тўлашга қодир эмас.

Мартинес "Интер"га 2018 йилнинг ёзида Аргентинанинг "Расинг" клубидан келган. Ўшанда унинг трансфер суммаси 25 миллион еврони ташкил қилган.

23 ёшли аргентиналик ҳужумчи ўтган мавсумда Италия чемпионатининг 35 учрашувида қатнашиб, 14 та гол урди ва 3 та голли пас берди.