Лапорта Рубен Невешни "Барса"га таклиф қилиш тарафдори, Хави эса бунга қарши

Каталония клуби президенти Жоан Лапорта "Вулверхэмптон" ярим ҳимоячиси Рубен Невешни жамоага таклиф қилиш тарафдори экани маълум бўлди. 

Манбанинг хабарига кўра, Лапорта футболчининг агенти Жорже Мендеш билан яхши муносабатдалиги туфайли трансферни арзон нархга амалга ошириш мумкин, деб ҳисобламоқда. Бироқ Невеш Хваи ва унинг мураббийлар штабига мос келмаслиги таъкидланмоқда. Уларнинг фикрича, Серхио Бускетснинг ўрнини босиш учун Рубен Невеш етарлича маҳоратга эга эмас. Каталониялик мураббийлар Невешни ҳимояда яхши ўйнай олмаслигини ва позицион ўйинда кучсизлигини айтишган. Шу боис, Хави Эрнандес ўз жамоасига Невеш ўрнига "Реал Сосьедад" футболчиси Мартин Субимендини олиб келмоқчи.