Ла Лигага чиққан илк клуб номи маълум бўлди

Сегунда 40-тури якунларига кўра, “Кадис” муддатидан аввал Ла Лига йўлланмасини ҳал этди.

Мавсум якунига икки тур қолганда “Кадис” мусобақа жадвалида 69 очко билан пешқадамлик қилмоқда. Клуб иккинчи ўриндаги “Уэска”ни 5, учинчи поғонадаги “Сарагоса”ни эса 7 очкога ортда қолдирмоқда. Ла Лигага эса 1 ҳамда 2-ўринларни қўлга киритган жамоалар тўғридан-тўғри йўл олади.

“Кадис” сўнги бор Ла Лигада 2005/06 йилги мавсумда қатнашган эди. Клуб Ла Лигада жами 12 мавсум қатнашган, энг яхши натижаси эса 1987/88 йилги мавсумда қайд этилган — 12-ўрин.