КХДР бош мураббийи: "Биз бир неча кунгина машғулот ўтказдик холос"

Шогирдларим ўйинни ёмон ўтказди деб айта олмайман. Фақат ҳимоядаги баъзи йўл қўйган хатоларимиз ва ҳужум ташкил этишдаги камчиликлар мағлубиятимизга сабаб бўлди, - дейди бош мураббий. 

- Бугун терма жамоа жуда кучсиз ўйнади. Бу ўйин амалиёти камлигиданми ёки футболчиларнинг даражаси шундайми?
- Балким шундайдир. Зеро терма жамоамиз март ойидан буён расмий ўйинда майдонга тушмадик. Биринчи бўлимда ўз дарвозамиздан гол ўтказиб юбордик, бу гол футболчиларнинг асабийлашишига сабаб бўлди.

- КХДР одатда ҳужумда яхшироқ ўйнарди. Бугун эса бундай бўлмади...
- Биз бу ўйиндан олдин бир неча кунгина машғулот ўтказдик холос. Бир қатор футболчиларимиз яқиндагина ўз клублари сафида ОФК кубогида майдонга тушишганди ва улар ҳали тўлиқ куч билан ўйнашга тайёр эмасдилар. Рақиб жамоа биздан яхшироқ ўйнади ва якунда Ўзбекистон ғалабани қўлга киритди.

- Ўйиндан олдин қандай тактик кўрсатмалар берилганди?
- Бугун ўйин бошиданоқ асосан ҳимояга урғу бердик. Рақибни тўпни топширдик ва гол ўтказмаслик ҳақида тактик кўрсатма бергандим.