Latest news

17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  5 17:18Тожикистоннинг икки терма жамоасида истеъфо юз берди  7 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  0 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  4 15:18Бунақаси Месси фаолиятида биринчи марта юз берди  11 14:43Воҳа дербиси олдидан "Машъал"да катта йўқотишлар  1 14:15"Ювентус" узумзор акс этган формасини тақдим этди  2 13:42Суперлиганинг 21-турини ўтказиб юборадиган футболчилар рўйхати  4 13:19Роналду 30га кирганидан сўнг Португалия сафида 89 та гол урди  15 12:37Ибраима Конате "Ливерпуль"га уч марта "йўқ" деди. Клуб унинг "Реал"га ўтишига кўниб бўлди  10 12:15Бразилия ЖЧ саралашида 5-ўринни эгаллади – бу тарихидаги энг ёмон натижа  3 10:56Ла Лигада ким чемпион бўлади? "CIES" тахмин қилиб кўрди  6 10:30ФИФА президенти Қатардаги портлашларга муносабат билдирди  14 10:02Қизил карточка, эҳтимолий пенальти ва четлатиш. "Алё, рэф!" ҳакамларнинг Ўзбекистон - Эрон учрашувидаги қарорларини таҳлил қилди  36

"Куала-Лумпур Сити" бош мураббийи: "Ўйин биз кутгандек бўлди. "Сўғдиёна"нинг ҳужумларини керакли пайт тўхтата олдик" News

"Куала-Лумпур Сити" бош мураббийи: "Ўйин биз кутгандек бўлди. "Сўғдиёна"нинг ҳужумларини керакли пайт тўхтата олдик"

ОФК Кубоги Ҳудудлараро финалидан ўрин олган "Сўғдиёна" – "Куала-Лумпур Сити" учрашувидан сўнг мезбонлар бош мураббийи Боян Ходак ва учрашувнинг энг яхши футболчиси Пауло Жозуэ матбуот анжуманида қатнашишди.

- Жаноб мураббий сизни ғалаба билан табриклаймиз. Ўйин ҳақидаги фикрларингиз қандай?

- Ўйиндан олдин Ўзбекистон футболи Осиёда Малайзиядан анча устун эканини таъкидлагандим. Рақиб жамоа ўз уйида ўйнаётганлиги сабаб биз катта босим кутгандик. Аммо биз бунга имкон бермадик. Рақиб кам имкониятлар яратди. Ўйин биз кутгандек бўлди. "Сўғдиёна"нинг ҳужумларини керакли пайт тўхтата олдик. Бундан ташқари уч марта қарши ҳужумда яхши вазиятлар яратдик. Бу вазиятлардан унумли фойдалана олмадик ва ўйин пенальтилар сериясигача борди. Серияда эса омад бизга кулиб боқди. Кеча клубимиз кичиклиги ва жуда кам бюджетга эга эканлигини айтгандим. Бугунги ғалаба биз учун жуда катта натижа бўлди. Биз давом этамиз. Бу натижа биз учун орзу эди ва орзуимиз учун курашишда давом этамиз. 

- Учрашувнинг энг яхши футболчиси Пауло Жозуэнинг ўйин ҳақидаги фикрлари қандай?

- Биз жуда яхши ўйнадик, айниқса ҳимояда. Менимча бугун ҳимоядаги энг яхши ўйинимизни ўтказдик. Ҳимоядаги йигитларга катта раҳмат. Тўғри бизда муаммолар бўлди, сабаби рақиб ўз уйида, мухлислари қаршисида ўйнаётганди. Охирида эса биз ғалаба қозонишни уддаладик. Дарвозабонимиз ҳам ажойиб ўйин кўрсатди. Бугунги ўйин учун ҳаммага раҳмат.

- Бу ғалаба ОФК кубогида сиз учун шу пайтга қадар эришилган энг катта натижами? Финалда қандай синовлар бўлишини кутмоқдасиз?

- Бугунги рақиб олдингиларга қараганда анча кучли эди. Виетнам жамоаси билан бўлган ўйинга солиштирсак ҳам бугунги рақиб анча савияли эди. "Сўғдиёна"нинг аввалги ўйинларига эътибор берсангиз, жамоа жуда кўп вазиятлар яратганини кўришингиз мумкин. Биз эса бунга имкон бермадик. 

- Пауло Жозуэ ўтган матбуот анжуманида менга гол уришни аҳамияти йўқ, асосийси жамоамнинг ғалабаси деган фикрни билдиргандингиз. Мана бугун ҳеч ким гол ура олмади. Жамоадошларингиз ҳақида нима дея оласиз?

- Тўғри, бугун гол ура олмадик. Сабаби, биз бугун ҳимояда ўйнадик. Шундай бўлса ҳам бугунги ўйиндан мамнунман. Дарвозабонимиз ҳам бизни қутқарди. Ўйиндан гол ура олмаган бўлсак ҳам пенальтилар серияда бешта зарбани ҳам аниқ бажардик. 

- Финалда сизларни "Сўғдиёна"дан ҳам кўпроқ ҳужум қиладиган жамоа кутмоқда. Уммон жамоаси жуда кўп ҳужумлар қилади, бунга жамоангиз тайёрми?

- Менинг мураббийлик вазифам уларни тўхтатиш. Уларнинг имкониятларни чеклаш. Биз бу ишни Виетнамда, Ҳиндистонда ва бугун уддалай олдик. Уммон жамоасига қарши ҳам бунга уриниб кўрамиз. 

Rating: +4   

Comments

championat.asia
< show latest news
Яндекс.Метрика