Крис Коулмэн: "Биз билан бутун Уэльс халқи фахрланишини истаймиз"

- Францияда бўлиб турганимиздан, Европа чемпионатида иштирок этаётганимизда бағоятда хурсандмиз. Тўғриси, Европа чемпионатида ҳеч қачон иштирок этолмасак керак, деб ўйлагандим. Дастлабки беллашувни интизорлик билан кутяпман. Исталган рақиб билан бўладиган тўқнашувга тайёрмиз. Ўзимизнинг энг яхши футболимизни кўрсатишимиз керак. Шунингдек, футболдан завқ олиш лозим. Ҳозирги таркибимиздаги футболчилар Европа чемпионатига берилган "чипта"ни қўлга киритишганини эсдан чиқармаслик зарур. Муҳими, биз ўз ўйинимизга эътибор қаратишимиз лозим. Биз Францияга футбол ўйнаш учун келганимизни унутмаслигимиз керак. Кўрсатадиган футболимиздан завқ олишимиз даркор. Майдонга чиқиб Уэльс мадҳиясини куйлашни ўзи ҳам ажойиб воқеа бўлади. Барча илк ўйинни ғалаба билан бошламоқчи. Олдиндаги бўлажак иккита баҳс олдидан ғалаба қозониш жамоамизга қўшимча куч ва энергия берган бўларди.