Космин Оларио: "Рақибнинг ўйинига ҳам эътибор қилишимиз керак"

"Жуда қийин ўйин бўлиши кутилмоқда. "Локомотив" илк турда мағлуб бўлди, лекин уларни кучли эканлигини биламиз. Бу жамоа ўз уйида бошқача ўйнайди ва эртага қийин баҳс бўлишини кутаяпмиз. 

Уйдаги ўйин ва сафардаги баҳс доим фарқли бўлади. Биз ғалаба учун майдонга тушамиз", - дейди Макете Диоп.

- "Ал Аҳли" бунга қадар Ўзбекистон клубларидан "Насаф" билан ўйнаган. Бу эртанги баҳсда сизларга ёрдам берадими?  

- Албатта, тажриба доим ёрдам беради. Ўша баҳсларни яхши эслайман. "Насаф" клубига қарши ўйинлар оғир ўтган.

- Эртага ғалаба учун ҳаракат қилишингиз аниқ. Қандай услубда ўйнамоқчисиз? Қарши ҳужумдами ёки кескин ҳужумдами? 

- Биз ютишни истаймиз. Аммо рақибнинг ўйинига ҳам эътибор қилишимиз керак. Биз кўп нарсани хоҳлашимиз мумкин, аммо доим ҳам хоҳлаганимиз бўлмайди. 

- 2015 йил "Ал Аҳли" финалга чиққан. Бу йил финалга чиқиш имкониятларини қандай баҳолайсиз? 

- Тўғрисини айтсам 2 йил олдин финалга чиқиш вазифаси қўйилмаган. Аввало гуруҳдан чиқиб олиш мақсадимиз.Кейин эса қадамма-қадам ҳаракат қилаверамиз. 

- "Локомотив"ни ўрганиб чиққан бўлсангиз рақиб сафидаги энг хавфли футболчи ким? 

Макете Диоп: - Рақибни ўрганиб чиққанмиз. Аммо ҳеч бир футболчини алоҳида кўрсатиб ўта олмайман. Нима бўлганида ҳам биз ғалаба учун майдонга тушамиз. 

- "Локомотив" стадиони майдонига эътирозлар йўқми? 

- Мен ҳали майдонни кўрганим йўқ. Уни кўрганимдан сўнг фикримни айтишим мумкин. Аммо бунинг катта аҳамияти йўқ. Иккала жамоа шу майдонда ўйнайди. Ўйинда тезроқ майдонга мослашишга уринамиз.