Коке "Атлетико"нинг 2014 йилги чемпионлиги ҳақида: "Ўзимни FIFA ўйинидаман деб ўйладим. Ўшанда "Барселона"да Месси, "Реал"да эса Роналду бор эди, даражани ўзингиз бир тасаввур қилиб кўринг"

"Барселона" Испания чемпионати 2013/14 йилги мавсум 38-турида "Атлетико"ни қабул қилади. "Матрасчилар" чемпионликка эришиши учун ютқазмаслиги етарли эди. Ўйин 1:1 ҳисобидаги дуранг билан якунланди.

"Камп Ноу"даги баҳс куни ўзимни FIFA ўйинидагидек ҳис қилдим. Жуда асабийлашдим. Майдонга чиқишим ва ушбу дақиқалардан завқ олишим керак эди. Ла Лигани ютиш авлодлар орзуси эди, бу ғалаба чемпионатдаги узоқ давом этган титулсиз йиллар ва иккинчи ўринлардан сўнг рўй берди.

Ўшанда "Барселона"да Месси, "Реал"да эса Криштиану бор эди. Ўзингиз даража қандай бўлганини тасаввур қилаверинг. Бу доим ютишни хоҳлайдиган рақибларимиз эди", – дейди "Атлетико" ярим ҳимоячиси.