Клопп: “Ливерпуль” жуда ёмон ўйнади”

“Шубҳасиз, “Лестер” учун муносиб натижа.

Ғалати ўйин. Етарли даражада яхши ўйнолмадик. Тўп билан тўғри муомала қила олмадик. Жуда ёмон ўйин ўтказдик, шу туфайли барчаси адолатли.

Қабул қилган қарорларимиз салбий эди. Эҳтимол, бироз омад етишмагандир. Аммо нима бўлса бўлди.

Бизда гол уриш учун кўпроқ имкониятлар бўлиши керак. Ҳа, ғалаба учун уларнинг сони етарли эди. Аммо ютқазсангиз, демак кўпроқ вазият яратиш керак эди.

Учрашувни яхши бошладик, лекин аввалига ритмни бутунлай йўқотдик, кейин эса шунчаки уни қайтариб ололмадик. “Лестер” эса 2 кун олдин ҳам ўйнаганди, шу туфайли улар ҳаммасига лойиқ.

Улар дарвозага битта зарба беришди, кўп имкониятлар бўлмади. Яхшироқ ҳимояланишимиз лозим. Одатда шундай ҳам қиламиз, аммо бугун бу нега ўхшамаганини тушунтириш мушкул.

“Манчестер Сити” билан ўртамизда катта фарқ пайдо бўлди. Бироқ, айни вақт бу менинг муаммом эмас. Одатдагидек футбол ўйнасак, мунтазам ғалаба қозонишга имкониятига эга бўламиз”, дейди Клопп.