Канада ТЖ 36 йиллик танаффусдан сўнг, мундиалга йўл олди. Дэвис стрим вақтида йиғлаб юборди
28 mar 2022 07:45
News

Канада ТЖ 36 йиллик танаффусдан сўнг, мундиалга йўл олди. Дэвис стрим вақтида йиғлаб юборди

ЖЧ-2022 саралаши доирасида Канада термаси Ямайкани 4:0 ҳисобида енгиб, КОНКАКАФ минтақасидан мундиал йўлланмасини нақ қилди.

Канадаликлар бунга квалификация раундининг охирги тури олдидан эришишди. Жон Хердмэн шогирдлари 13 ўйиндан сўнг, 28 очко тўплаган ҳолда пешқадамлик қилмоқда.

Канада ўз тарихида 2-маротаба жаҳон чемпионатида қатнашади. Биринчиси 1986 йил рўй берган.

“Бавария” аъзоси Альфонсо Дэвис енгил миокардитдан кейин тикланиш жараёнларини олиб бораётгани туфайли термадаги шерикларининг ўйинини интернет орқали жонли эфирда кўришига тўғри келди ва мундиал йўлланмаси қўлга киритилганидан кейин стрим вақтида йиғлаб юборди.