Фабрицио Романо: Калафьорининг "Арсенал"га трансфери яқин кунларда ҳал бўлади
20 jul 2024 16:33
News

Фабрицио Романо: Калафьорининг "Арсенал"га трансфери яқин кунларда ҳал бўлади

"Арсенал" "Болонья" билан Италия терма жамоаси ҳимоячиси Риккардо Калафьори трансфери бўйича тўлиқ келишувга эришишга яқин турибди.

Музокаралар ижобий руҳда ўтмоқда ва якунига яқин.

"Канонирлар" футболчининг ўзи билан 2029 йилгача мўлжалланган шартнома бўйича келишиб қўйишга улгуришган.

Калафьори "Болонья"га 2023 йил августида "Базел"дан кўчиб ўтганди. Унинг "Болонья" билан амалдаги шартномаси 2027 йилгача мўлжалланган. Ўтган мавсум 22 ёшли марказий ҳимоячи барча мусобақаларни инобатга олганда, 37 ўйинда майдонга тушиб, 2 та гол урди ва 5 та голли узатма етказиб берди. Европа чемпионатида Калафьори 3 та ўйинда майдонга тушди ва 1 ассист қайд этиб, 3 бор сариқ карточка ишлаб олди.

"Transfermarkt" портали италияликни 45 миллион еврога баҳоламоқда.

Link :

Source : Фабрицио Романо

Receive latest football news directly on your phone. Subscribe for our Telegram channel!

Rating: +3