Кака: "2005 йилда "Ливерпуль" қандай қилиб 3та гол фарқини йўққа чиқарганини ҳозиргача билмайман"

Улардан бири 2015 йилнинг майида Чемпионлар лигаси финали экан. "Милан" ўша учрашувда "Ливерпуль"ни 3:0 ҳисобида ютаётиб, ғалабани қўлдан чиқарган.

"Шундай ўйинлардан бири 2015 йилдаги Чемпионлар лигаси финали бўлган. Ўшанда "Милан" "Ливерпуль" билан дуранг ўйнаган (3:3) ва пенальтиларда мағлуб бўлган (2:3). Ўша куни футболда ҳамма нарса бўлиши мумкинлигини тушундим. "Ливерпуль" қандай қилиб 3та голли фарқни йўққа чиқарганини билмайман. Бу учрашувдан ҳайратланганман.

Яна ЖЧ-2006даги чорак финал. Бразилия Францияга 0:1 ҳисобида мағлуб бўлган. Бу ўйинларни танлаганимнинг сабаби, улар менга кўп нарса берган. Ўша пайтда жамоамизда Кафу, Лусио, Роберто Карлос, Роналдо ўйнар эди. Уларнинг энг зўри эса Зидан бўлган.

2002 йилда Германия устидан қозонилган ғалабани алоҳида таъкидлаш керак (2:0). Илк дақиқалардан ўйнамадим, бироқ бу жаҳон чемпионати финали эди. Роналдо гол урганида ютишимизни билардим, бироқ асабийлашдим. Хуштак чалинганида ҳакамнинг олдида эдим. Бу ҳаётимдаги энг яхши онлардан бири" - дейди Кака.